Նորմատիվ իրավական ակտերը պարունակում են հատուկ տերմինաբանություն, որը հաճախ միանշանակ չի ընկալվում, գնահատողական հասկացություններ, որոնք պահանջում են հստակեցում կոնկրետ դեպքի առնչությամբ, երկիմաստ բառեր և արտահայտություններ, որոնք օրենսդրական տեխնիկայի կանոնների ոչ ճիշտ կիրառման արդյունք են: Բացի այդ, իրավական նորմերը փոխկապակցված են, դրանք կիրառվում են համակարգված ձևով, ինչը պահանջում է կիրառվող նորմերի միջև բովանդակային և տրամաբանական կապերն ի հայտ բերելու անհրաժեշտություն: Այս ամենը պայմանավորում է իրավունքի մեկնաբանման անհրաժեշտությունը:
 Հոդվածը նվիրված է իրավական նորմի մեկնաբանման հիմքերից մեկի՝ իրավական կարգավորման համատեքստի ուսումնասիրությանը։ Հեղինակը բացահայտում է հերմենևտիկայի այնպիսի ընդհանուր հասկացությունների բովանդակությունը, ինչպիսիք են տեքստը, համատեքստը, հերմենևտիկ շրջանը։ Հոդվածում բացահայտվում են իրավական տեքստերի մեկնաբանման առանձնահատկությունները, ուսումնասիրվում են համատեքստի ազդեցությունը իրավական նորմի տեքստի ընկալման վրա: Տեսական դատողությունները զուգակցվում են քրեաիրավական նորմերի մեկնաբանման կոնկրետ օրինակներով։