NobleBlocks

Research indexJournal article

توانسته جوگرافیهكانی پهیدابونی گهشتوگوزارى زستانی و دروستكردنی پارێزراوی سروشتی

Mustafa, Rashid

Koya University Journal of Humanities and Social Sciences27 Dec 2021Open access

NobleIDark:/48914/w1/20260526/AAA1E44DDOI10.14500/kujhss.v4n2y2021.pp154-162

Abstract

دوایی ده‌ركه‌وتنی گرنگیی كه‌رتی گه‌شتوگوزار له‌لایه‌ن وڵاتان و به‌شداریكردنی له‌ داهاتی نه‌ته‌وه‌یی و بوژاندنه‌وه‌ی ژێرخانی ئابوری و ڕه‌خساندنی هه‌لی كار، زۆر له‌ وڵاتان كه‌وتنه‌ گرنگیدان به‌م كه‌رته‌ و وه‌ك پیشه‌سازییه‌كی خاوێن سه‌یركراو هه‌وڵیاندا بۆ گه‌شه‌پێدانی ناوچه‌ گه‌شتوگوزارییه‌ شاراوه‌كان و دروستكردنی جۆریی نوێی گه‌شتوگوزاری وه‌ك پارێزراوی سروشتی و گه‌شتوگوزاری زستانه‌یی تاوه‌كو له‌ڕێیانه‌وه‌ سه‌رنجی زۆرترین گه‌شتیار بۆ خۆیان ڕاكێشن و بیكه‌نه‌ مایه‌ی بوژاندنه‌وه‌ی ئابوری وڵات. ئامانجی لێكۆڵینه‌وه‌كه‌ بریتیه‌ له‌ دیاریكردنی باشترین شوێنی جوگرافی له‌ ناوچه‌ی لێكۆڵینه‌وه‌ بۆ دروستكردنی گه‌شتوگوزاری زستانه‌یی كه‌ بگونجێت له‌گه‌ڵ هه‌مو ئاسته‌كانی ته‌مه‌ن و لێژی گونجاوی هه‌بێت، هه‌روه‌ها دیاریكردنی شوێنی گونجاو دور له‌ كاریگه‌ری چالاكی مرۆیی بۆ دروستكردنی پارێزراوی سروشتی له‌ ناوچه‌ی لێكۆڵینه‌وه‌. بۆ گه‌یشتن به‌ ئامانجی لێكۆڵینه‌وه‌كه‌، لێكۆڵینه‌وه‌كه‌مان دابه‌شكراوه‌ بۆ پێشه‌كیه‌ك و سێ ته‌وه‌ره‌، ته‌وه‌ره‌ی یه‌كه‌م تایبه‌ت كراوه‌ به‌ ناساندنی ناوچه‌ی لێكۆڵینه‌وه‌ و ته‌وه‌ره‌ی دووه‌م تایبه‌ته‌ به‌ دروستكردنی شێوازی نوێی گه‌شتوگوزاری وه‌ك گه‌شتوگوزاری زستانه‌، تەوەرەی سێیەم تایبەتە به‌دروستكردنی پارێزراوی سروشتی، له‌ كۆتاییدا به‌ چه‌ند ئه‌نجام و پێشنیاز و لیستی سه‌رچاوه‌كان كۆتایی به‌ لێكۆڵینه‌وه‌كه‌ هێنراوه‌. لێكۆڵینه‌وه‌كه‌ گه‌یشت به‌و ئه‌نجامه‌ی قه‌زای پێنجوێن خاوه‌نی چه‌ندین بنه‌مای جوگرافی سروشتی و مرۆیی گرنگه‌ بۆ دروستكردنی گه‌شتوگوزاری زستانه‌یی و پارێزراوه‌ سروشتیه‌كان له‌ ڕێگه‌ی به‌رزكردنه‌وه‌ی ئاستی هۆشیاری دانیشتوانی ناوچه‌كه‌ سه‌باره‌ت به‌ گرنگی گه‌شتوگوزار و دابینكردنی پێداویستیيه‌ گرنگه‌كانی ژێرخانی و سه‌رخانی گه‌شتیاری بۆ ئه‌نجامدانی ئه‌و چالاكیانه‌.

Discussion

Topics

More

Suggest a correction or report