კვლევის მიზანი. განისაზღვროს ინოვაციური პროცე­სების მასტიმულირებელი გავლენა ჯანდაცვის ეკონომიკის განვითარებასა და ქვეყნის სამე­დიცინო დაწესებულებების მართვის ხარისხის გაუმჯობესებაში; მოხდეს ინოვაციური მენეჯ­მენტის უმთავრესი პრინციპების იმპლემენტაციის წინააღმდეგობათა ანა­ლი­ზი და მათი დაძლე­ვის სტრატეგიების დადგენა; გამოვლინდეს ქვეყა­ნაში ინოვაციური მიდგომების ფორ­მი­­რების სამომავლო მოლოდინები; შემუშავდეს მისი გაუმჯობესებისთვის მნიშვნელოვანი პრაქ­ტიკული და მეთოდური რეკომენდაციები. კვლევის საგანი. ქვეყანაში არსებულ სამედიცინო დაწესებუ­ლე­­ბებში ინოვაციური მიდგომების ფორმირების პროცესის ძირითადი გამოწვევების განხილვა. სამეცნიერო სიახლე. თეორიული სიახლეებისა და პრაქტიკული კვლევითი მეთოდების საფუძველზე შემუშავებულია საქართველოში ჯანდაცვის ეკონომიკის ინოვაციური განვითარებისათვის აუცილებელი ძირითადი ინიციატივები. კვლევის თეორიული და პრაქტიკული მნიშვნელობა. შემოთავაზებული ცალკეული წინადა­დე­ბები და რეკომენდაციები სასურველ სტიმულებს გააჩენს ქვეყნის სამედიცინო სფეროს ინოვაციური განვითარების თვალსაზრისით. ეს ყოველივე გაზრდის ადგილობრივი სამედიცინო დაწესებულებების საქმიანობის ხარისხს, ხელს შეუწყობს მათ კონკურენტული უპირატესობის მოპოვებასა და გრძელვადიანი წარმატების მიღწევაში.