महाराष्ट्रातील सामाजिक परिवर्तनाच्या चळवळीमध्ये प्रा. एन. डी. पाटील यांचे योगदान अत्यंत बहुमुल्य आहे. सद्यस्थितीतील राजकारणाची वाटचाल ही मूल्यहीनतेच्या दिशेने सुरू आहे. धार्मिक, मूलतत्त्ववादी, जातीवादी विचारधारा ही नैतिकता आणि मानवी मूल्यांच्या विरोधात कलुषित वातावरण निर्माण करत आहेत. अशा परिस्थितीमध्ये श्रमजीवी आणि बुद्धिजीवी घटकांची सांगड घालून मानवी विवेकाचा पुरस्कार करणारे प्रा. एन. डी. पाटील यांचे जीवन आणि कार्य पुरोगामी महाराष्ट्राच्या उभारणी करीता प्रेरणादायी आहे.