Research indexJournal article
كەلتوورێ مادی د شعرا (عارف حیتوی) یدا
Abdulrahman, Omer
The Journal of The University of Duhok17 Sep 2023Open access
كەلتوورێ مادی د شعرا (عارف حیتوی) یدا
Abdulrahman, Omer · The Journal of The University of Duhok · 2023
Abstract
كەلتوورێ مادی ب هەمی ئامراز و کەرەستەیێن خویێن نەتەوەیی وەک بەشەکێ هەرە گرنگێ کەلتووری ب گشتی دهێتە ناسکرن، چونکە باب و باپیران وەک پێدڤی د ژیانا خۆدا بكاردهینان. كەلتوورێ مادی نەبتنێ هندەک تشتێن دەم ب سەرڤەچووینە، بەلكو ب شارستانیەتا مرۆڤایەتیێڤە گرێدایە. شعر ئەو ئالاڤە د دەستێ شاعراندا کو برێکا وێ دشێن مفای ژ کەلتووری ب گشتی وەربگرن، د ناڤ شعرێن خۆدا بکاربهینیت. چونکە شاعر نە بتنێ چاڤلێکرنا تشتێ جیهانا دەرڤە دکەت. ئانکو وەک هەیی وی کەلتووری وێنە ناکەت، بەلکو دچیتە دناڤ کویراتیێدا و ئامرازێ ئەڤێ چەندێ ژی دێ برێکا ئافراندنا زمانەکێ شیعری بیت ، ئەڤە ژی ب زیرەکی و بکارهینانا شاعریڤە یا گرێدایە. واتە شاعر دشێن بابەتێن کەلتوورێ مادی ژ رەهەندێن وان یێن رەوشنبیرى ڤەگوهێزیتە رەوشەنبیریەکا نویتر، ب شێوەیەکێ ئەدەبی و هونەری- جەڤەنگیی ب کاربهینت داکو دەربرینێ ژ کەتوارێ هەیى بکەتن. ڤی رەنگی شاعر پشت بەستنێ ل سەر ئەڤى ئالاڤى دکەن، داکو ژ گەهاندنا روون و ئاشکەرا دویربکەڤیت، د هەمان دەمدا بهایەکێ ئستاتیکى وهونەرى ب دەقى دبەخشیت و سەربۆرا شعری ب واتا دەلالەتێن نوى دەولەمەند دکەت. د ئەڤێ ڤەكۆلینێدا هەول هاتیەدان ژبۆ دویڤچوونا چەوانییا بکارهینان و مفاوەرگرتنا ژ کەلتوورێ مادی ژ ئالیێ شاعر عارف حیتویڤە. ڤەکۆلینێ سەلماندییە کو عارف حیتوی ب بەرفرەهی مفا ژ کەلتوورێ مادی وەرگرتیە، وەک جەڤەنگ د ناڤ شعرا خۆدا بکارهینایە و دەلالەت و واتایێن کویر برێکا ئەڤی کەلتووری ب تێکستێ شعرا خۆ پەخشیە