Հոդվածում ներկայացվել են էլեկտրատեխնիկական փորձաքննությունների կատարման ժամանակ առաջացող որոշ խնդրահարույց հարցերի և դրանց լուծման ուղիների վերաբերյալ դիտարկումներ: Վերլուծվել են վթարի հետևանքով մեկ կամ մի քանի էլեկտրասարքավորումներում առաջացած ամբողջական կամ մասնակի վնասվածքների հետազոտման համապատասխան իրավիճակներ: Առաջարկվել է իրականացնել ինչպես ամբողջությամբ վնասված էլեկտրասարքավորման առանձին հանգույցների վնասվածությունների համեմատական ուսումնասիրություն, այնպես էլ՝ տվյալ օբյեկտում գտնվող մասնակի վնասվածքներով մյուս էլեկտրասարքավորումների հանգույցներում տեղի ունեցած և´ ֆունկցիոնալ և´ ակնադիտական փոփոխություններին վերաբերող հետազոտություններ: Հոդվածում ընդգծվել են նաև այն մոտեցումները, որոնք հնարավորություն են տալիս նման իրվիճակներում փորձագետին գալ առավել ճշգրիտ եզրահանգման: Բանալի բառեր. էլեկտրասարքավորում, էլեկտրասարքավորման հանգույց էլեկտրասարքավորման վնասվածք, էլեկտրական վթար, ավտոմատ անջատիչ, հալուն ապահովիչ, ներկայացվող նմուշ, էլեկտրական սկզբունքային սխեմա, հանգույցների էլեկտրական սխեմա, էլեկտրատեխնիկական փորձաքննություն: