Замонавий халқаро муносабатларда Марказий Осиё минтақаси бора бора барча кўзга кўринган давлатлар ва халқаро ташкилотлар диққатини қаратмоқда. Бунинг асосида минтақани нафақат қулай жуғрофий жойлашуви, Шарқ ва Ғарбни боғловчи кўприк сифатида бўлиши, бой табиий бойликларга эгалиги, балки минтақа давлатларининг тарих давомида мужассам бўлган серқиррали маънавий қадриятлар ва маданий бойликларга эгаликларидадир. Ўзбекистон ташқи сиёсатида ҳам стратегик равишда биринчи ўринда Марказий Осиё давлатлар билан дўстона қўшинчилик муносабатларни ривожлантириш муҳим, деб ҳисобланади. Минтақа давлатлари билан Ўзбекистон миллий, минтақавий масалаларни биргаликда ечишга харакат қилади,турли халқаро ташкилотлар доирасида хамкорлик қилади. Жумладан БМТ, ШХТ, МДХ давлатлари билан келажакни яратувчи -ёшлар масаласи борасида давлат сиёсатини миллий даражада белгилаб, глобал равишда кўп томонлама механизмлар орқали хал қилишга интилади. Дунё бўйича, оҳирги кўрсаткичларига кўра, ёшлар сони 2 млрд.дан ошиқдир ва уларнинг нечоғли фаол сиёсат субъектлари бўлишлари, давлат олиб бораётган стратегияга боғлиқ. Бу борада давлатлар ўз тажрибалари билан алмашишади. Ушбу мақола ҳам Ўзбекистон ёшларини ижтимоий-сиёсий, иқтисодий, маънавий жиҳатдан тарбиялаш омилларига қаратилган. Унда, давлатимиз сиёсатида ёшларни тарбиясидаги омилларига доир муҳим йўналишлар кўрсатиб ўтилган