Research indexJournal article
ଆଧନକ ସମଲଚନ ଧରର ନବୟରପନତର: ପରମଦ ସର
ସାହୁ
Zenodo (CERN European Organization for Nuclear Research)16 Jun 2025Open access
NobleIDark:/48914/w1/20260521/9C3FFBE6DOI10.5281/zenodo.15673956
ଆଧନକ ସମଲଚନ ଧରର ନବୟରପନତର: ପରମଦ ସର
ସାହୁ · Zenodo (CERN European Organization for Nuclear Research) · 2025
NobleIDark:/48914/w1/20260521/9C3FFBE6DOI10.5281/zenodo.15673956
Free to read at the publisher
You can read the abstract here, or the full text at the publisher.
Abstract
ସଂକ୍ଷିପ୍ତସାର ଓଡ଼ିଆ ସାହିତ୍ୟରେ ସମାଲୋଚନା ହେଉଛି ଏକ ଗୁରୁତ୍ୱପୂର୍ଣ୍ଣ ବିଭାଗ । ସମାଲୋଚନା ଦ୍ୱାରା ସାହିତ୍ୟର ଦୋଷତ୍ରୁଟି ମାର୍ଜିତ ହେବା ସହ ସାହିତ୍ୟ ବିକଶିତ ଓ ସମୃଦ୍ଧ ହୁଏ । ଏକ ସାରସ୍ୱତ ସୃଷ୍ଟିକୁ ଯଥାର୍ଥ ସ୍ୱୀକୃତି ଦେବାକୁ ହେଲେ ସମାଲୋଚନା ଅତ୍ୟନ୍ତ ଜରୁରୀ । ଏ ଦିଗରେ ଜଣେ ସମାଲୋଚକ ଗୁରୁ ଦାୟିତ୍ୱ ନିର୍ଭର କରେ । ସମାଲୋଚକ ସର୍ବଦା ନିର୍ଭୀକ ହେବା ଓ ତାସହ ନିରପେକ୍ଷତା ଅବଲମ୍ବନ କରିବା ଉଚିତ । ତେବେ ଯାଇ ସମାଲୋଚନାଟି ସଫଳ ହୋଇପାରିବ । ସମାଲୋଚନା ସାହିତ୍ୟ ସର୍ବଦା ଆଇନା ପରି କାର୍ଯ୍ୟ ନିର୍ବାହ କରିଥାଏ । ସୃଷ୍ଟିଟି ଯେଉଁ ଧରଣର ଅବିକଳ ସେହିପରି ଭାବେ ପ୍ରକାଶ କରିବା ହେଉଛି ଜଣେ ସମାଲୋଚକର କର୍ମ । ତେବେ ଓଡ଼ିଆ ସାହିତ୍ୟରେ ଏହି ଧାରା ଇଂରାଜୀ ଭାଷାର ପ୍ରବର୍ତ୍ତନ ପରେ ପରେ ହିଁ ସୃଷ୍ଟି ହୋଇଛି । ଊନବିଂଶ ଶତାବ୍ଦୀରେ ହଣ୍ଟର, ଆମ ସଟନ୍, ଲେସି, ବିମସ ପ୍ରଭୃତି ସାହେବମାନେ ଯେଉଁ ପଥ ନିର୍ମାଣ କରିଥିଲେ ସେହି ପଥର ଜଣେ ଜଣେ ସଫଳ ସାଧକ ସାଜିଛନ୍ତି ଆମର ସମାଲୋଚକ ଗଣ । ତେବେ ସ୍ୱାଧୀନତା ପୂର୍ବବର୍ତ୍ତୀ ଓ ପରବର୍ତ୍ତୀ ସମୟର ସମାଲୋଚନା ସାହିତ୍ୟ ବିକାଶର ଚରମ ସୀମାରେ ଉପନୀତ ହୋଇଥିବା ବେଳେ ୧୯୮୦ ପରବର୍ତ୍ତୀ ସମୟରେ ସମାଲୋଚନା ନାନା ରଙ୍ଗରେ ନିଜକୁ ରଙ୍ଗୀନ କରେଇଛି । ନୂତନ ଅଭୀପ୍ସା, ନୂତନ ବୈଜ୍ଞାନିକ ଚିନ୍ତାଧାରା ଜଗତୀକରଣ, ବିଶ୍ୱ ବାଣିଜ୍ୟ ନୀତିରେ ପ୍ରୟୋଗ ଓ ପରୀକ୍ଷା, ଇଣ୍ଟରନେଟ୍ ବହୁଳ ବ୍ୟବହାର ଆଦି ସମାଲୋଚନାକୁ ପାଶ୍ଚାତ୍ୟମୁଖୀ କରିଛି । ନୂଆ ଢ଼ଙ୍ଗରେ, ନୂଆ ଦୃଷ୍ଟିକୋଣରେ ସମାଲୋଚନା ନିଜକୁ ପରିପ୍ରକାଶ କରିବାରେ ସକ୍ଷମ ହୋଇଛି । ତେଣୁ ଆଲୋଚକ ପ୍ରମୋଦ ସରଙ୍କ ପ୍ରବନ୍ଧ ଗୁଡ଼ିକର ଗବେଷଣାତ୍ମକ ଦୃଷ୍ଟିକୋଣକୁ ବିଚାର କରିବା ଉକ୍ତ ଆଲୋଚନାର ଆଭିମୁଖ୍ୟ ।