Cтатьяда тыва улустуң оюннарының аразында сайзанак оюнунуң өзүп орар уругнуң чугаазының сайзыралынга салдарын, кижизидикчи ужур-утказын тыва чогаалдан чижектерге даянып сайгарган. Сайзанак оюну чаш уругнуң чугаазынга, ниитилелге бодун алдынарынга, кижилер аразынга харылзаа тургузарынга белеткел оюн болуп, кижиниң мөзү-бүдүжүнүң хевирлеттинип турарының бир демдээ болур. Сайзанактаары тыва улустуң уруглар аас чогаалында чаш кижиниң ниити сайзыралын көргүзүп турар оюннарның бирээзи. Сайзанак оюнунга уругнуң аажы-чаңы чазаттынып, аас чугаазы сайзырап, байып, эштериниң аразынга ниитилелге, өг-бүлезинге бодунуң туружун көргүзер оюн.