: Тилшуносликда тилнинг ички структураси, унинг шаклий ва мазмуний томонлари ўрганилган бўлса, ҳозирда соҳанинг янги йўналишлари пайдо бўла бошлади. Бундай янги соҳалар қаторига социолингвистика, когнитив лингвистика, этнолингвистика, прагмалингвистика, лингвокультурология, психолингвистика, лингвопоэтика, матн тилшунослиги каби йўналишларни киритиш ҳамда бу соҳалар тадқиқига эътибор кучайганлиги натижаси ўлароқ қатор ишларнинг юзага келганлигини эътироф этиш муҳимдир.