XX асрга қадар спорт фақат жисмоний фаолиятга йўналтирилган бўлиб, педагогик ва тиббий нуқтаи назардан кўриб чиқилган бўлса, ҳозирда ижтимоий-фалсафий жиҳатларни таништирувчи интеллектуал компонентга катта эътибор берилмоқда. Ушбу мақолада биз спорт фалсафасининг пайдо бўлиши ва баъзи фалсафий жиҳатларини кўриб чиқамиз. Спорт ҳар бир инсон ҳаётининг ажралмас қисмидир, чунки жисмоний фаоллик тананинг барқарор ишлашига ёрдам беради, шунингдек, жамиятнинг ижтимоий-маданий салоҳиятини кенгайтиришда катта аҳамият касб этади. Спортнинг ижтимоий-фалсафий жиҳатларини ўрганиш орқали унинг шахсни шакллантириш, дунёқараши ва гўзаллик яратишдаги аҳамиятини аниқлаш мумкин. Шунинг учун ҳам спортга нафақат жисмоний жиҳат, балки фалсафий фан сифатида ҳам эътибор қаратиш керак.