Дунёда сўнгги вақтларда юз бераётган уруш ва ҳарбий можаролар, минтақавий хавф-хатарлар кучайиши, халқаро тинчликпарвар ташкилотлар талаб-тавсияларига нисбатан эътиборсизлик давлатларнинг ўз суверенитети ва хавфсизлиги таъминлаш борасидаги хавотирини янада ошириб, булар ортидан мудофаани кучайтириш ва замонавий қуролланиш тенденцияларига сабаб бўлаётгани сир эмас. “Global Firepower” рейтинги[1] ҳарбий салоҳияти бўйича юқори поғонани эгаллаётган мамлакатларда (АҚШ, Россия, Хитой, Ҳиндистон, Жанубий Корея, Буюк Британия, Япония, Туркия, Покистон, Италия) мудофаа ва хавфсизликни сиёсий, ҳарбий-стратегик, иқтисодий, ҳуқуқий жиҳатдан мустаҳкамлашдаги ислоҳотлар сўнгги йилларда жадаллашгани ва SIPRI ҳисоботи бўйича 2024 йилда ҳарбий харажатлар 6,8%га кўтарилиб, 2,44 трлн.доллардан ошганлиги дунё давлатлари ҳарбий ислоҳотларга улкан эътибор қаратаётганидан далолат бермоқда[2]. Айниқса, ҳарбий бюджетга улкан инвестициялар киритилаётгани, ҳарбий техника модернизациялашуви ва экспорти, ҳарбий дипломатик муносабатлар ўзгараётгани, бу жараёнларда давлат олий вакиллик ва ижроия ҳокимияти органлари ролининг ошаётгани, Қуролли Кучларда қўшин турлари трансформациялашуви мамлакатимиз миллий мудофаа тизимини замонавий асосларда ислоҳ қилиш лозимлигини тақозо этиб, мудофаа ва хавфсизлик соҳасидаги илғор тажрибаларни миллий қонунчилигимиз ва амалиётга жорий этиш долзарблигини кўрсатмоқда. [1] http:www.worldbank.org [2] Стокгольм халқаро тинчлик масалаларини тадқиқ этиш институти. // Trends in world military expenditure. https://www.sipri.org/sites.2023.pdf