डॉ.बाबासाहेब आंबेडकरांनी भारताचे आर्थिक चिंतन केल्यानंतर असे लक्षात आले की, भारतात केवळ 15% उच्चवर्णीय- धनिक (श्रीमंत) आहेत आणि त्यांचाच विचार करून भारताची आर्थिक निती राबविली जाते. तत्कालीन परिस्थितीत भारताच्या विविध आर्थिक धोरणाविषयी अर्थशास्त्राचे सखोल चिंतन करून भारतीय अर्थव्यवस्थेला मजबूत करण्याकरीता डॉ.बाबासाहेब आंबेडकरांनी आपले मत मांडून आर्थिक उपाययोजना तयार करून जनतेचा आराखडा तयार केला. जेणेकरून प्रत्येकांच्या आर्थिक स्थितीत सुधारणा व्हाव्यात म्हणून त्यांनी ‘भारतीय रूपयांची समस्या’ हा ग्रंथ लिहून भारतीय अर्थव्यवस्थेला दिशा दाखविली ते एक आंतरराष्ट्रीय अर्थतज्ञ होते. परराष्ट्रीय धोरणाचा आर्थिक दृष्टीकोणातून अर्थशास्त्रीय संरक्षण कशाप्रकारे करता येईल यावरही त्यांनी आपले विचार मांडले. भारतीय अर्थव्यवस्थेला मजबुत करायचे असेल तर त्यासाठी डॉ.बाबासाहेब आंबेडकरांचे आर्थिक विचार प्रेरणादायी ठरणार आहेत.