XXI асрда ахборот технологиялари шиддат билан ривожланмоқда ва бу, айниқса, таълим-тарбия соҳасида ўзини кўрсатмоқда. Замонавий компьютерлар, ноутбуклар ва смартфонлар таълим сифати ва самарадорлигини оширишда муҳим роль ўйнамоқда. Ушбу мақолада замонавий ахборот технологияларининг таълим-тарбия жараёнига олиб келган ўзгаришлар, шу жумладан, смартфонлар орқали дарс материалларини таъминлашнинг афзалликлари муҳокама қилинган. Смартфонларнинг таълим жараёнидаги аҳамияти, яъни замонавий фанлар ва методика талабларига мос равишда маълумотларни тизимлаштириш ва тақдим этиш имкониятлари таҳлил қилинган. Бундан ташқари, замонавий таълим-тарбиядаги янги фанлар, масалан, "Медиасаводхонлик ва ахборот маданияти" ва "Академик ёзув" каби фанларнинг ўқитиш усулларининг ривожланиш зарурияти ва муаммоларига эътибор қаратилган. Хусусан, янги фанларнинг илмий ёки ўқув-методик адабиётлар билан таъминланиши, жумладан, нофилологик йўналишдаги талабалар учунги қийинчиликлар кўриб чиқилган.