Геосиёсий нуқтаи назардан Марказий Осиё минтақасининг дунё миқиёсидаги ўрни, унинг атрофида рўй бераётган геосиёсий жараёнларга боғлиқ бўлади. Шу жихатдан Марказий Осиё ҳудудида узоқ муддатли барқарорлик ҳақида гап борар экан, содир бўлаётган ҳодисалар йўналиши ҳамиша минтақадаги геосиёсий рақобат билан боғлиқ эканлиги ва мана шу вазият Марказий Осиё давлатлари учун эътиборни қаратиш зарур бўлган мухим масалалар сифатида қолаверишини таъкидлаш ўринли бўлади.