ସ୍ୱୀକାରୋକ୍ତି ମୂଳକ ଉପନ୍ୟାସ ସମ୍ପର୍କରେ ଅନୁଶୀଳନ କଲେ ଏ ଧରଣର ଉପନ୍ୟାସରେ ଲେଖକ ଆତ୍ମ-ସଚେତନ ରହିଥାଏ । ସ୍ୱୀକାରୋକ୍ତି ମୂଳକ ଉପନ୍ୟାସ ହେଉଛି ଏକ ସାହିତ୍ୟିକ ଧାରା ବା ଶୈଳୀ । ଏହା ସ୍ୱସଚେତନ ଶୈଳୀରେ ଲିଖିତ । ଅର୍ଥାତ୍ ଏହି ପ୍ରକାର ଉପନ୍ୟାସ ଯେଉଁ ଶୈଳୀରେ ଲେଖାଯାଇଥାଏ, ସେହି ଶୈଳୀ ପ୍ରତି ସେହି ଲେଖା ଭିତରେ ଲେଖକଙ୍କର ସ୍ୱୀକାରୋକ୍ତି ରହିଥାଏ । ‘ସ୍ୱୀକାରୋକ୍ତି ମୂଳକ ଉପନ୍ୟାସ’ ଏପରି ଏକ ଧାରା ଯାହା ଓଡ଼ିଆ ସାହିତ୍ୟରେ ଅନାଲୋଚିତ ପ୍ରାୟ । ତେଣୁ ଏହି ଧାରାରେ କେଉଁ କେଉଁ ଉପନ୍ୟାସକୁ ଅନ୍ତର୍ଭୁକ୍ତ କରାଯାଇପାରିବ ଏବଂ ତା’ର କାରଣ ଓ ଉଦେଶ୍ୟ ସମ୍ପର୍କରେ ଆଲୋଚନା କରିବା ହେଉଛି ଏହି ପ୍ରବନ୍ଧଟିର ମୁଖ୍ୟ ଲକ୍ଷ୍ୟ ।