Резюме. Мазкур мақолада тасаввуфий тафаккурда саломатлик тушунчасининг мазмун-моҳияти, суфи алломаларнинг инсон қалби ва нафсини даволашга оид қарашлари таҳлил этилган. Тавба, зуҳд, сабр, хавф ва ражо каби тушунчалар тасаввуфий тиббиётнинг асосий омиллари сифатида кўриб чиқилади. Тадқиқотда Абу Ҳомид Ғаззолий, Баҳоуддин Нақшбанд, Аҳмад Яссавий, Абдулқодир Ғилоний сингари алломаларнинг асарларида саломатлик ва руҳий поклик масалаларига берилган эътибор очиб берилган. Шунингдек, тасаввуфий қарашларнинг замонавий соғлом турмуш тарзи шаклланишидаги ўрни илмий асосда ёритилган. Калит сўзлар: тасаввуф, саломатлик, тавба, нафс тарбияси, қалб хасталиги, суфи алломалари, руҳий тиббиёт, зуҳд, хавф ва ражо.