ભારત એક પશુપ્રેમી તથા પશુપાલનથી સમૃદ્ધ દેશ છે અને અહીંના પશુપાલકો માટે પશુપાલન માત્ર એક આજીવિકાનુ સાધન નથી, પરંતુ જીવનશૈલીનો અગત્યનો ભાગ છે. દૂધ, માંસ, ઊન, ચામડા, ખેતીના કામ અને ખાતરના સ્ત્રોત તરીકે પશુઓનું મહત્વ અનેરૂ છે. અલબત્ત, પશુઓ માત્ર આર્થિક સંપત્તિ નથી; પણ તેઓ જીવંત પ્રાણી છે કે જે સંવેદનાઓ, પીડા અને આનંદ અનુભવી શકે છે. આ જ કારણોસર ભારત સરકારે પશુઓના કલ્યાણ અને સુરક્ષા માટે “પશુકલ્યાણ અધિનિયમ, ૧૯૬૦” લાગુ કર્યો.