सध्याच्या स्पर्धात्मक व तणावपूर्ण शैक्षणिक वातावरणामुळे शालेय विद्यार्थ्यांमध्ये आक्रमकतेचे प्रमाण वाढताना दिसते. प्रस्तुत संशोधनाचा उद्देश शालेय विद्यार्थ्यांच्या आक्रमकतेवर प्राणायामाचा होणारा परिणाम अभ्यासणे हा आहे. १२ ते १६ वयोगटातील विद्यार्थ्यांवर ४५ दिवस प्राणायामाचा सराव देऊन पूर्व व उत्तर चाचणी पद्धतीने आक्रमकतेच्या पातळीचे मापन करण्यात आले. सांख्यिकीय विश्लेषणानुसार प्राणायामामुळे विद्यार्थ्यांच्या आक्रमकतेत लक्षणीय घट आढळून आली. यावरून प्राणायामाचा अभ्यासाचे विद्यार्थ्यांच्या जीवनातील महत्व निदर्शनास येते.